REGULAMENTU

1 - S’Associatzione Culturale Elighes Uttiosos bandit  su Cuncursu de poesia e prosa sarda a tema liberu, editzione sa ‘e deghe, po s’annu 2008.

2 - Su Cuncursu est paltzidu in battor setziones: duas po sos mannos e duas po sos pitzinnos de iscola.
Sas setziones de sos contos sun intituladas a s’iscrittore lussurzesu Antoni Cossu.
Ogni iscrittore podet cuncurrer solu cun d’un’opera po setzione.

3 - Setziones po sos mannos:
A - Poesias a tema liberu, non prus de chimbanta (50) versos;
B - Contos,  non prus de tres pazinas iscrittas a macchina (ogni pazina tepet esser de non prus de baranta rigas);
Sas poesias e sos contos, ineditos e mai premiados prima, tepen esser imbiados intro su binnighi de su mese de Lampadas (15 giugno) 2008 a s’indiritzu de s’associatzione.
Tottu sas operas tepen esser in sette (7) copias, sentza peruna frima  e nemancu motto o pseudonimo. Tepen esser postas a intro de una busta manna paris cun d’un’attera busta pitticca, sizillada, chi portet a intro unu fozu cun su titulu de sa poesia o de su contu, su nomen, s’indiritzu, su numeru ‘e telefono e cracchi notitzia suba sa vida de s’autore.
A foras de sa busta manna tepet esser indicada sa setzione po sa cale si cuncurret.

4 - Setziones po sos pitzinnos de iscola:
C - Poesias a tema liberu, non prus de trinta (30) versos;
D - Contos, non prus de duas pazinas iscrittas a macchina, ogni pazina tepet esser de non prus de baranta (40) rigas.
A custas duas setziones poden leare parte sos pitzinnos de sas iscolas elementares, medias e superiores.
Tottu sas operas tepen esser in battor (4) copias, anonimas. Tepen esser postas aintro de una busta manna paris cun d’un’attera busta pitticca, sizillada, chi portet a intro unu fozu cun su titulu de sa poesia o de su contu, su nomen, s’indiritzu, su numeru ‘e telefono e s’iscola de s’autore.
Si si partetzipat in gruppu si podet fagher unu paccu unicu ponine tottu sas operas in d’una busta manna e sos nomenes cun sos titulos de sas poesias in d’unu elencu aintro de una bustighedda piticca.
A foras de sa busta manna tepet esser indicada sa setzione po sa cale si cuncurret e s’iscola (elementare, media o superiore).

5 - S’Associatzione non torrat sas operas a sos autores chi però ne abarran meres, ma das podet pubblicare sentza ricumpentzia peruna.

6 - Sa zuria est cumposta de zente competente de tottu sa Sardigna e su chi detzidit non podet esser tirriadu.

7 - Sos autores de sas operas premiadas e sos atteros partetzipantes an a esser avvisados cun littera po sa die e s’ora de sa premiatzione, chi s’at a fagher a coa de su mese  de  Santu Aine (ottobre).

8 - Chie si siat chi presentet poesias o contos, tepet atzettare custu regulamentu

9 - Nos tiat fagher piaghere chi essezis imbiadu sa poesia o su contu fintzas in forma elettronica (floppy disk - formato Word), ma no est obbligatoriu.


Po atteras informatziones :
Frantzisca Manca - 0783 550908
Bachis Serra - 0783 550387 E-mail: bachiserra@libero.it

Ass. Cult. Elighes Uttiosos Via della Rocca, 34 09075 Santu Lussurgiu (OR)